طالبلرنینگ هرات ولایتی ترافیک ادارهسی هرات شهرینینگ عمومی یۉللریده ریکشا قتناویگه قۉییلگن چېکلاو بېکار قیلینگنی حقیدهگی خبرلرنی رد اېتدی.
طالبلر نینگ هراتدهگی ترافیک ادارهسی باشلیغی شیراحمد حجازی بوگون شنبه، 27- جدي اوشبو یۉلاوچی واسطهلرینینگ آلدین بېلگیلب قۉییلگن حدودلرده فعالیت قیلیشی هنوز اۉزگرمهگن دېگن.
اونینگ قۉشیمچه قیلیشیچه، مذکور چېکلاوگه بۉیسونمهگن شخصلرگه نسبتاً قانونگه موافق چارهلر کۉریلهدی.
چهارشنبه کونی کېچقورون هراتدهگی محلي منبعلر یېتکیرمهلرگه شهر بۉیلب ریکشاگه قۉییلگن چېکلاو بېکار قیلینگنی حقیده خبر بېرگن اېدی. اۉشه پیتده منبعلر حاضرگچه فقط مستوفیت یۉنهلیشیده اولر نینگ قتناوی چېکلنگنینی ایتگن.
طالبلرنینگ هرات ولایتی ترافیک ادارهسی جدی آیی نینگ 13-سیدن باشلب ولایتدهگی برچه اساسي یۉللرده ریکشالر فعالیتینی چېکلهگن.
ریشکا هیداوچیلرینینگ ایتیشیچه، اوشبو قرار آرتیدن اولر جدّي اقتصادي معمالرگه دوچ کېلگن، چونکه ریکشا هیدش آرقلی عایلهلرینی باقهدیلر.
