افغانستانلیک خواننده شفیق مریدنینگ ایتیشیچه، طالبان کابل شهریده اونینگ رهبرلیگی آستیدهگی «رایان چلدرن» یتیمخانهسینی یاپیب قۉیگن.
شفیق مرید تناوون شنبه، 27-جدی، اۉزینینگ اینستاگرام صحیفهسیده طالبان ایکّی کون آلدین «رایان چلدرن» یتیمخانهسیگه باستیریب کیریب، بالهلرنی دولت تصرفیدهگی یتیمخانهلرگه کۉچیریب یوبارگنینی معلوم قیلگن.
مریدنینگ سۉزلریگه کۉره، طالبان یېتکچیسی هبتالله آخوندزاده برچه خصوصي یتیمخانهلرنینگ فعالیتینی تۉختهتیش حقیده بویروق چیقرگن.
«رایان چلدرن» یتیمخانهسی شفیق مرید تشبثی و خلق همکارلیگی بیلن تشکیل اېتیلگن بۉلیب، قراوسیز بالهلر اوچون تعلیم آلیش امکانیتینی یرهتیب کېلگن.
منبعلر طالبان یتیمخانهلرنی مدرسهگه ایلنتیریشنی رېجهلشتیرهیاتگنینی اَیتماقده.
منبعلرگه کۉره، طالبان کابل مرکزي یېتیمخانهسینی مدرسه ایلنتیرماقچی.
منبعلرنینگ تأکیدلشیچه، طالبان افغانستاننی اېگهللشیدن آلدین کابلنینگ تهیه مسکن منطقهسیده جایلشگن مرکزي یتیمخانهده مینگدن آرتیق باله بۉلگن، اما حاضر او یېرده فقط چمهسی300 باله قالگن.
منبعلرنینگ قۉشیمچه قیلیشیچه، طالبان برچه یتیمخانهلرنی جهادي مدرسهگه ایلنتیریشنی کۉزلهماقده.
طالبان افغانستاننی اېگهلهگنیدن سۉنگ، بو بالهلر زمانوي تعلیم، یېترلی آزیق-آوقت و مناسب تربیهدن محروم بۉلیب قالگن.
