امریکا مرکزي قوماندانلیگی (سنتکام) سوريه نینگ شِمالی-غربیده عملگه آشیریلگن هجومده «القاعده» تشکیلاتی نینگ قوماندانلریدن بیری بۉلگن «بلال جاسم الحسن» یۉق قیلینگنینی معلوم قیلدی.
سنتکام بیاناتیده ایتیلیشیچه، اوشبو «القاعده» قوماندانی دسمبر آییده سوريه نینگ پالمیرا شهریده امریکا کوچلریگه هجوم قیلگن ایشید جنگریسی بیلن بېواسطه علاقهده بۉلگن.
سنتکام بلال جاسم الحسن «تجربهلی ترورچی» دېب تعریفلب، او امریکا و سوريه کوچلریگه قرشی هجوملرنی رېجهلشتیریب کېلگنینی بیلدیرگن.
اۉتگن ییل نینگ 13-دسمبر کونی داعش جنگریسی سوريهده امریکا کوچلریگه هجوم قیلگن، نتیجهده ایکّی نفر امریکالیک حربي و بیر نفر تینچ یشاوچی هلاک بۉلگن اېدی.
سنتکام اوشبو هجومگه جوابن سوريهده کېنگ کۉلملی اۉپراسیونلر باشلهگنینی و داعشگه تېگیشلی 100 دن آرتیق آستقورمهلر همده قورال انبارلرینی نشانگه آلگنینی معلوم قیلدی.
