فراه ولایتیدهگی منبعلر ایران و پاکستاندن قیتگن اۉزینی اۉزی باقهیاتگن عیاللر و قیزلرنینگ بو ولایتدهگی احوالی تشویشلی اېکنینی ایتماقده.
منبعلر بوگون یکشنبه 28-جدی، فراه ایران بیلن عمومی چېگرهگه اېگه بۉلگنی سبب قیتیب کېلووچیلر سانی اېنگ کۉپ بۉلگن ولایتلردن بیری اېکنینی بیلدیرگن.
منبعلرگه کۉره، ایرانلیک اېرککلر بیلن توموش قورگن عیاللر افغانستانگه قیتریب یوباریلگن. شونینگدېک، آتهسی افغانستانلیک آنهسی ایرانلیک بۉلگن و اولر اجرلیب یشهگن قیزلر هم فراه ولایتیگه قیتگن.
بوندن تشقری، بیر قطار اۉزینی اۉزی باقهیاتگن قیزلر هم فراهگه قیتیب کېلگن بۉلیب، حاضرده نامعلوم تقدیر بیلن یوزمه یوز قالماقده.
منبعلرنینگ تأکیدلشیچه، بو قیزلر آرهسیده یاشلر و بالهلر هم بار بۉلیب، اولر حاضر قرینداشلرینینگ اوییده یشهماقده.
منبعلرگه کۉره، اوشبو قیزلر تورلی تهدیدلر و اجتماعی خوف-خطرلرگه دوچ کېلماقده.
بو قیزلرنینگ کۉپچیلیگی اول ایران دولتیده ایشلگن و شو یۉل بیلن اۉز حیات خرجتلرینی تأمینلب کېلگن، بیراق حاضرده اولر اوچون نه ایش امکانیتی نه درامد منبعی موجود.
شونینگدېک، تعلمینی دوام اېتتیریش امکانیدن محروم بۉلیش و حیات شرایطلریدهگی کېسکین قشاقلیک بو قیزلر آرهسیده جدی روحی و روانی معمالرنینگ یوزهگه کېلیشیگه سبب بۉلگن.
بیرلشگن ملتلر تشکیلاتی گزارشیگه کۉره، ایران و پاکستاندن قیتگنلرنینگ اکثریتینی عیاللر و بالهلر تشکیل اېتهدی.
