طالبلرنینگ میدان وردک ولایتی بۉییچه امنیه قوماندانلیگی اوشبو ولایتده اوروشدن قالگن ماین پارتلشی عاقبتیده بیر باله اۉلگن ینه اوچ باله جراحت آلگنینی معلوم قیلدی.
طالبلر امنیه قوماندانلیگینینگ بیاناتیگه کۉره، حادثه تیناوون یکشنبه، ۲۸جدی میدان وردک ولایتی مرکزیدهگی « پولادخانه» منطقهسیده یوز بیرگن.
خوفسیزلیک قوماندانلیگینینگ ایتیشیچه، پارتلش بالهلر منطقهده اۉتین تېریب یورگن پیتده یوز بېرگن.
قوماندانلیکنینگ قۉشیمچه قیلیشیچه، جراحتلنگن بالهلر دستلب میدان وردک ولایت شفاخانهسیگه، کېین اېسه دوالنیش اوچون کابلگه آلیب کېتیلگن.
اوروشدن قالگن اۉق-داریلر و ماینلرنینگ پارتلشی افغانستان نینگ تورلی ولایتلریده کۉپ باره تینچ اهالینینگ، اینیقسه بالهلرنینگ حیاتیگه ضامن بۉلگن.
بیر نېچه اۉن ییللیک اوروشلر نتیجهسیده افغانستان حدودلری نینگ بیر قِسمی ماین و پارتلاوچی مادّهلر بیلن افلاسلنگن.
