خبرلرگه کۉره، ایرانده انترنتگه چېکلنگن اولنیش قَیته تیکلنه باشلهگن و مملکت ایچیدهگی فایدهلنووچیلر اَیریم VPN آرقهلی انترنتگه اولنالهیاتگنی ایتیلماقده.
«نت بلاکس» نامی بیلن تنیلگن انترنتنی کوزهتووچی تشکیلات تیناوون یکشنبه کېچقورون، 28 -جدي معلوم قیلیشیچه، ایرانده عادتي انترنت علاقهسیدهگی اوزیلیشلر 228 ساعتدن بویان دوام اېتهیاتگن بیر پیتده، انترنت ترافیکیگه عاید معلوماتلرگوگل کبی ترماقلرده چېکلنگن آنلاین خدمتلرگه کیریش استه-سېکین قَیتهیاتگنینی کۉرستماقده.
رادیو فردا، آزاد اروپا رادیوسی و آزادلیک رادیوسی نینگ ایران بۉلیمی خبریگه کۉره، شنبه کونی نینگ دستلبکی ساعتلریدهیوق ایراننینگ اَیریم شهرلریده انترنتگه چېکلنگن طرزده کیریش امکانی پیدا بۉلگن، بیراق بیر نېچه ساعت اۉتگچ انترنت ینه اۉچیریلگن و مملکت ینه علاقه اوزیلیشیگه دوچ کېلگن.
کېنگ کۉلملی ناراضیلیک نمایشلریدن سۉنگ، ایران حکومتی اۉتگن پنجشنبه آقشامیدن باشلب مملکت بۉیلب انترنتنی تۉلیق و عمومي طرزده اۉچیریب قۉیگن.
