پاکستان جمهور رییسی آصفعلی زرداری کابلده جایلشگن چینلیکلر رستورانتیده یوز بېرگن پارتلشنی قارهلب، طالباننی تروریزمگه قرشی کورشده موفقیتسیز بۉلگنلیکده عیبلهدی.
پاکستان عاموي اخبارات واسطهلری بوگون سهشنبه، 30 جدی، زرداریگه تهیهنیب خبر بېریشیچه، او افغانستاننی رواجلنتیریش یۉلیدهگی چین یشاوچیلرینینگ فداییلیگینی یوقاری بهالهگن.
پاکستان جمهور رییسی طالبان تروریزمنی جلولشده موفقیتسیز بۉلیب کېلهیاتگنینی تأکیدلهدی.
او، شونینگدېک، طالبان افغانستان توپراغیده ترورچی گروهلرنینگ فعالیت یوریتیشیگه یۉل قۉیمسلیگی کېرهکلیگینی قید اېتدی.
کابلدهگی چینلیکلر مهمانخانهسیده یوز بېرگن پارتلش عاقبتیده یېتّی کیشی هلاک بۉلگن.
اوشبو پارتلشده بیر چینلیک و آلتی نفر افغانستان یشاوچیسی جان بېرگن.
مذکور پارتلش اوچون مسوولیتنی داعش اۉز ذمّهسیگه آلدی.
