سرپل ولایتیدهگی طالبلر حاکمی ادارهسینینگ معلوم قیلیشیچه، اوشبو ولایت اهالیسیدن بۉلگن بیر کیشی «البدر» تومنیده قار یاغیشی سبب یۉلده قالیب کېتیب، ساووقدن وفات اېتگن.
سرپلده طالبلر والیسی مطبوعات بۉلیمینینگ بیلدیریشیچه، مذکور حادثه یکشنبه کونی، 28 جدی، ینگی تشکیل اېتیلگن «البدر» اولسواللیگینینگ «خواجه جوش» یۉنهلیشیده یوز بېرگن.
معلوماتگه کۉره، کوهستانات اولسواللیگیدن اوچ کیشی« البدر» اولسوالیگی تامان یۉلگه چیققن، بیراق یۉلده کوچلی قار یاغیشی طفیلی قالیب کېتگن. نتیجهده اولردن بیری اۉلگن، ایکّی نفری اېسه قوتقریب قالینگن.
سرپل ولایت والیسینینگ ادارهسی بو ولایت اهالیسیدن ناقولهی آب-هوا شرایطیده تاغلی یۉنهلیشلرده ضرورتسیز سفرلردن سقلنیشنی سۉرهگن.
آلدین هم مملکتنینگ اَیریم منطقهلریده قار یاغیشی و ساووق طفیلی آدملرنینگ وفات اېتگنی حقیده خبرلر بېریلگن اېدی.
