افغانستانلیک قیزلرنینگ تعلمی بۉییچه فعال زرقا یفتلی 2026 ییلگی انساني برادرلیک بۉییچه زاید مکافاتیگه اېگه بۉلدی دېب اعلان قیلیندی.
مکافات تشکیلاتچیلری تیناوون دوشنبه ، 29 جدی، یفتلی افغانستانده 100 مینگدن آرتیق کیشیگه تعلیمي منبعلر همده روحي-اجتماعي یاردم کۉرستگنی اوچون اعتراف اېتیلگنینی معلوم قیلدی.
بیاناتگه کۉره، یفتلینینگ سعی-حرکتلری چېکلنگن محیطده یشهیاتگن قیزلرگه «امید» بغیشلهگن و اولرنینگ تعلیم آلیش امکانیتینی تأمینلهگن.
مذکور مکافات زرقا یفتلیگه شوندهی بیر پیتده بېریلماقده دیر که، طالبان افغانستانده حاکمیتنی قۉلگه آلگنیدن سۉنگ، عیال اۉقووچیلر و محصللرگه کېینگی خبرگچه مکتب و بیلیم یورتیلرگه باریش منع قیلینگن.
بو چېکلاولر افغانستان قیزلرینینگ ینگی اولادینی تعلیمدن محروم بۉلیش، شونینگدېک ایش و اجتماعي امکانیتلرنینگ قیسقریشی خوفی بیلن یوزمه-یوز قالدیرگن.
انسان حقوقلری فعاللری افغانستانده قیزلرنینگ تعلیمي و اجتماعي کېلهجگی بارهسیده جدّي خواطر بیلدیریب، قیزلرگه نسبتاً قۉییلگن تعلیمي چېکلاولرنی بېکار قیلیشگه چقیرماقده.
