افغانستان آزادلیک جبههسی کابل شهریدهگی چینلیکلرگه تېگیشلی رستورانتدهگی پارتلشگه اشاره قیلیب، طالبان یشیریش و یالغان آرقهلی افغانستانده ترورچی گروهلر بارلیگینی انکار اېته آلمهسلیگینی بیلدیردی.
آزادلیک جبههسی تیناوون سهشنبه، 30 -جدی اعلام قیلگن بیاناتیده کابلدهگی چینلیکلر رستورانتیدهگی پارتلش نتیجهسیده «25 کیشی اۉلگن و یرهلنگنینی» معلوم قیلدی.
جبههنینگ تأکیدلشیچه، طالبان اوشبو حادثهنی گاز بالونینینگ پارتلشی صفتیده اهالیگه یېتکزیشگه اورینگن، بیراق داعش تامانیدن مسوولیت اۉز ذمّهسیگه آلینگنی طالبلرنینگ یالغانینی فاش قیلگن.
آزادلیک جبههسی معلوماتیگه کۉره، طالبان خوفسیزلیک تأمینلنگن دېگن دعوالریگه قرهمهی، بېقرارلیک و خوفسیزلیک معمالری آرتیب بارماقده.
جبهه، شونینگدېک، افغانستان و تاجیکستان اۉرتهسیدهگی چېگرهده «ترورچیلر» قتناوی کوچهیگنینی تأکیدلهگن.
بیاناتگه کۉره، طالبلر نظارتی آستیدهگی افغانستان ترورچی گروهلر اوچون اولرنینگ تربیهلش مکانیگه ایلنگن.
دوشنبه کونی چینلیک یشاوچیلرگه تېگیشلی رستورانتده یوز بېرگن پارتلش عاقبتیده یېتّی کیشی اۉلگن و 17 کیشی یرهلنگن.
داعش 2022 ییلده هم چین وطنداشی یشیدیگن جایگه قیلینگن هجوم مسوولیتینی اۉز ذمّهسیگه آلگن اېدی، بیراق اۉشه پیتده بیر منبع هجوم اویغورلر تامانیدن عملگه آشیریلگنینی ایتگن اېدی.
