کانادا باش وزیری مارک کارنی جهان اقتصادي مجمعهسی دایرهسیده داووس شهریده بۉلیب اۉتگن ییغیلیشده امریکا یېتکچیلیگیدهگی جهانی ترتیب توگهگنینی و او اېندی قَیتمسلیگینی ایتدی.
کانادا باش وزیری تیناوون سهشنبه، 20-جنوری، داووسدهگی مذکور ییغیلیشده ینگی دنیا شوندهی بیر دنیاکه، اونده اقتصادي انتیگراسیون و مالیوي اینفره توزیلمهلر آچیقچهسیگه «هژمونیقدرتلر، اینیقسه امریکا» تامانیدن اقتصادي باسیم اۉتکزیش اوچون «قورال» صفتیده ایشلهتیلهیاتگنینی تأکیدلهدی.
کارنی اوشبو ییغیلیشده کنانادا امریکا تامانیدن دونالد ترامپ امریکا جمهور رییسی گرینلندنی قۉلگه کیریتیش مقصدینی ایلگری سوریش اوچون هر قندهی باج (تعرفه) جاري اېتیلیشیگه قطعاً قرشی اېکنینی بیلدیردی.
او دنمارکنینگ گرینلند اوستیدن قۉللب-قوّتلشینی اعلام قیلیب، کانادانینگ اۉخشش فکردهگی دولتلر بیلن ینگی اتفاقلر توزیشگه تیار اېکنینی ینه بیر بار تأکیدلهدی.
بو بیاناتلر ترامپ اروپا دولتلرینی گرینلندنی امریکاگه تاپشیریشگه قرشی چیققنی اوچون قۉشیمچه باجلر جاري اېتیش بیلن تهدید قیلگن بیر پیتده ینگرهدی.
ترامپ کېلهسی آی سکّیزته اروپا دولتیگه نسبتاً قۉشیمچه 10 فایزلیک باج جاري اېتیلیشینی تأکیدلهگن.
شو بیلن بیرگه، اروپا دولتلری امریکا تامانیدن گرینلندنی اېگهللش غایهسیگه نسبتاً کېسکین قرشیلیکلرینی بیلدیرگن
