اروپا اتفاقی کمیسیونسی 2026-ییل اوچون افغانستان، پاکستان و ایرانگه 126 میلیون یورو اجرهتیلیشینی اعلان قیلدی.
کمیسیون تیناوون چهارشنبه، 21-جنوری، اوشبو مبلغ جهانی بحرانلرگه قرشی کورهشیش اوچون اجرهتیلگن جمعی 1،9 میلیارد یورولیک یاردم بستهسینینگ بیر قِسمی اېکنینی معلوم قیلدی.
کمیسیون معلوماتیگه کۉره، بو مبلغ 239 میلیون کیشی یاردمگه محتاج بۉلگن بیر پیتده اجرهتیلماقده.
اروپا کمیسیونینینگ تېنگلیک، تیارگرلیک و بحرانلرنی باشقریش بۉییچه کمیساری هادجا لهبیب اوشبو مجبوريتنی داووسده بۉلیب اۉتهیاتگن جهان اقتصادي فارومی ییغیلیشیگه آلیب چیقیب، دولت بودجهلرینی تۉلدیریش اوچون خصوصي سکتور مبلغلری و یېچیملرنی جلب اېتیشگه چقیردی.
لهبیب شوندهی دېدی: «بشردوستانه تیزیم مثلی کۉریلمهگن باسیم آستیده توریبدی و فقط دولت تامانیدن مالیهلشتیریش بو بحران کۉلمیگه جواب بېره آلمهیدی.»
بیرلشکن ملتلرتشکیلاتی قاچقینلر ایشلری بۉییچه عالي کمیسارلیگی (UNHCR) گه کۉره، جاري ییل آخریگه باریب مجبوري کۉچیریلگنلر سانی 136 میلیون کیشیدن آشهدی.
شو بیلن بیرگه، بیرلشگن ملتلر تشکیلاتی 2026-ییلده افغانستاندهگی بشردوستانه احتیاجلرنی قاندیریش اوچون تخمیناً 1،7 میلیارد امریکا دالری سۉرهگن.
