ایران اسلام جمهوریتی رسميلری چهارشنبه کونی مملکت بۉیلب اۉتگن سۉنگگی عاموي ناراضیلیک نمایشلریده اوچ مینگ 117 کیشی اۉلگننی بېللی قیلدی.
رادیو فردا خبریگه کۉره، ایران ملي خوفسیزلیک کېنگشی و « بنیاد شهید » (شهیدلر جمغرمهسی) نینگ علیحده بیاناتلریده اوشبو قربانلر نینگ ایکّی مینگ 427 نفری «عادي اهالی» و «ترتیب همده خوفسیزلیکنی سقلاوچیلر» اېکنی ایتیلگن.
ایران دولتی نینگ اخبارات ترماغی «صداوسیما» ساغلیقنی سقلش وزیرلیگیگه تهیهنیب، ناراضیلیکلر دوامیده ینه «690 نفر ترورچی و ترتیبسیزلیک قیلووچی» اۉلدیریلگنینی معلوم قیلگن.
ملي خوفسیزلیک کېنگشی بیاناتیده ایکّی مینگ 400 نفردن آرتیق آدم نینگ اۉلیمی «ترورچیلیک حرکتلری» بیلن ایضاحلنگن. رادیو فردا خبریگه کۉره، رسميلر فقط 690 کیشینینگ خوفسیزلیک کوچلری قۉلیدن هلاک بۉلگنینی بالواسطه تصدیقلهگندېک کۉرینهدی.
مذکور بیاناتلرده قربانلرنی قندهی مېزان اساسیده اجرهتیلگنی حقیده معلومات بېریلمهگن، شونینگدېک بو دعوالرنی تصدیقلاوچی هېچ قندهی دلیل یاکه حجت تقدیم اېتیلمهگن.
