افغانستان عالي محکمهسینینگ سابق باشلیغی عبدالسلام عظیمی90 یاشیده تورکيهده وفات اېتدی.
بوگون (پنجشنبه، 2 دلو) افغانستاننینگ کۉپلب سیاسي اربابلری خبرلر اعلام قیلیب، جناب عظیمينینگ وفاتی مناسبتی بیلن تسلیت ایتدیلر.
مملکتنینگ سابق جمهور رییسی حامدکرزی عبدالسلام عظیمی «یوکسک اخلاق اېگهسی، وزمین و صلابتلی شخص» دېب تعریفلب، اونینگ وفاتی مناسبتی بیلن عایله اعضالریگه همدردلیک بیلدیردی.
کرزی، شونینگدېک، عبدالسلام عظیمی «خلقیگه خدمت قیلگن عالِم بۉلیب، تورلی لوازملرده، اینیقسه محکمه حاکمیتی رهبری صفتیده مملکت اوچون مهم خدمتلر قیلگنینی» تأکیدلهدی.
عبدالسلام عظیمی 1385-ییلدن 1393-ییلگچه (2006–2014) افغانستان عالي محکمهسیگه رئیسلیک قیلگن.
او، شونینگدېک، ایشلب چیقیش و تحریر قیلیش کمیسیونی اعضاسی همده سابق جمهور رییس حامد کرزینینگ حقوقي مصلحتچیسی صفتیده هم فعالیت یوریتگن.
