طالبلرنینگ «مهاجرلر معمالرینی کۉریب چیقیش کمیسیونی» تیناوون(چهارشنبه، 1 دلو) پاکستان و ایراندن 3 مینگ 182 نفر مهاجر چیقریلیب، افغانستانگه کیریب کېلگنینی معلوم قیلدی.
کمیسیون آماری معلوماتلریگه کۉره، اوشبو مهاجرلرنینگ 3 مینگ 78 نفری پاکستاندن، 104 نفری اېسه ایراندن چیقریلیب، افغانستانگه قَیتگن.
«مهاجرلر معمالرینی کۉریب چیقیش کمیسیونی»نینگ بیلدیریشیچه، بو شخصلر تورخم، اسپین بولدک، بهرامچه، اسلام قلعه و پل ابریشم چېگره اۉتیش یۉللری آرقهلی افغانستانگه کیرگن.
کمیسیوننینگ قید اېتیشیچه، اوشبو شخصلرگه وطنیگه قَیتیش چاغیده یاردم کۉرستیلگن، اَیریملری اېسه اۉز ولایتلریگه جۉنهتیلگن.
جاري قویاشي ییلده پاکستان و ایران افغانستانگه 2،5 میلیوندن آرتیق مهاجرنی مجبورن قَیترگن.
خلقارا تشکیلاتلر مهاجرلرنینگ چیقریلیشی افغانستاندهگی بحرانینی ینه-ده کوچهیتیریب، انسانپرورلیک یاردمی احتیاجلرینی آشیرهیاتگنینی تأکیدلهماقده.
