بوگون جمعه نفت نرخلری آشدی، بونگه امریکا جمهور رییس دونالد ترامپ نینگ ایرانگه قرشی تهدیدلرینی ینه تکرارلشی و حربي حرکتلر احتمالی همده نفت تأمیناتیده اوزیلیش بۉلیشی ممکنلیگی حقیدهگی خواطرلرنینگ کوچهییشی سبب بۉلدی.
رویترز بوگون جمعه، 23-جنوری خبر بېریشیچه، برنت مارکلی نفت نرخی 64،41 دالر، امریکا نینگ خام نفتی اېسه 59،69 دالرگه یېتگن.
خبرگه کۉره، بو اۉسیش پنجشنبه کونی نرخلر قریب ایکّی فایزگه پهسیگنیدن کېین صادر بۉلگن.
ترامپنینگ ایتیشیچه، حربي کېمهلر ایران تامانگه یوباریلگن، بیراق اولرنی ایشلهتیشگه حاجت قالمسلیگیگه امید قیلماقده.
ایران نفت صادر قیلووچی مملکتلر تشکیلاتی (اوپک) دایرهسیده تۉرتینچی ییریک نفت ایشلب چیقرووچی دولت حسابلنهدی و دنیادهگی ایکّینچی اېنگ ییریک نفت استعمالچیسی بۉلگن چینگه نفت صادر قیلووچی اساسي دولتلردن بیری دیر.
