محلي منبعلر پنجشیر ولایتیده کوچلی قار یاغیشی عاقبتیده اوشبو ولایتنینگ تۉرت اولسواللیگینی مرکز بیلن باغلاوچی یۉللر یاپیلیب قالگنینی معلوم قیلماقده.
منبعلرگه کۉره، کېچه کېچقوروندن چهارشنبه،۲ دلو دن باشلب دره، آبشار، حصهی اوّل و پریان اولسواللیکلرنینگ اساسي یۉللری ترانسپورت حرکتی اوچون یاپیلگن.
منبعلرنینگ ایتیشیچه، اوشبو یۉللرنینگ یاپیلیشی نتیجهسیده اهالینینگ ساغلیقنی سقلش مرکزلری و بازارلر بیلن علاقهسی هم اوزیلگن.
خبرلرگه کۉره، پنجشیر عمومي ترانسپورت یۉلی هم یاپیلگن اېدی، بیراق طالباننینگ فایدهلر فواید عامه ادارهسی بو یۉلنی ولایت مرکزیگچه تازهلهگن.
سۉنگگی ایکّی کون ایچیده مملکتنینگ بیر قنچه ولایتلریده قار و یامغیر یاغدی.
مملکتنینگ تورلی حدودلریده قار یاغیشی ترانسپورت یۉللرینینگ یاپیلیشیگه و انساني تلفاتلرگه سبب بۉلدی.
طالبان نینگ فوق العاده حادثهلرگه قرشی کورهش ادارهسینینگ معلوم قیلیشیچه، قار یاغیشی بیلن باغلیق حادثهلر عاقبتیده مملکت نینگ آلتی ولایتیده۱۱ کیشی اۉلگن.
