بوتون دنیا بۉییچه اینترنتگه کیریش و اولنیش حالتینی کوزهتیب بارووچی نتبلاکس تشکیلاتی عمومي اینترنت اوزیلیشی حاضر اوچینچی هفتهگه کیرگنینی معلوم قیلدی.
اوشبو تشکیلات بوگون اېرتهلب (جمعه، ۳ دلو) بېرگن بیاناتیده، ایرانده اینترنت۳۴۸ ساعتدن آرتیق وقتدن بېری اوزیلگنینی ایتگن.
نتبلاکسنینگ قۉشیمچه قیلیشیچه، «فقط عمومي اولنیش و تونللشتیریلگن فایدهلنووچیلر سانیده جوده کیچیک اۉسیش کوزهتیلگن»
تشکیلات، شونینگدېک، «صنعي ترافیک یرهتیش و اینترنت کېنگ کۉلمده تیکلنگنی حقیده ساخته تصورلرنی شکللنتیریشگه اورینیش علامتلری موجود»، دېیه قید اېتگن.
ایران حکومتی ناراضیلیک نمایشلری کېنگهیگنیدن سۉنگ، 18 جدیدن بویان حاضرگچه بوتون مملکت بۉیلب اینترنتنی اوزیب قۉیگن.
شو بیلن بیرگه، دولتگه قرهشلی یېتکرمهلر و ایراننینگ یوقاری مرتبهلی رسميلری هنوز اینترنتدن فایدهلنماقده همده تورلی پلاتفورملرده اۉز خبرلری و فعالیتینی نشر قیلیب کېلماقده.
