محلي منبعلرنینگ معلوم قیلیشیچه، سالنگ اولسواللیگینینگ دهیک قیشلاغیده یشاوچی 14 یاشلی اۉسمیر و اۉقووچی عبدالله هېچ قندهی انیق سببسیز ایکّینچی بار طالبان تامانیدن حبسگه آلینگن.
منبعلر بوگون جمعه، 3 دلو، بېرگن معلوماتیگه کۉره، عبدالله تۉرت کون آلدین کابلنینگ سرای شمالي منطقهسیدن غایب بۉلگن و طالباننینگ استخباراتی ادارهسیگه آلیب باریلگن.
منبعلرنینگ ایتیشیچه، عبدالله افغانستاندهگی سابق مجاهدلردن بیرینینگ فرزندی بۉلیب، هېچ قندهی سیاسي آقیم یاکه گروه بیلن علاقهسی یۉق.
منبعلرنینگ قید اېتیشیچه، تکراري حبسگه آلیشلر طالباننینگ شخصي عداوتی و اېتنیک کمسیتیشلری سببلی عملگه آشیریلماقده. آلدینراق اونینگ آتهسی و اکهسی هم حبسگه آلینگن اېدی.
اولرنینگ قۉشیمچه قیلیشیچه، طالبان آزاد قیلیش عوضیگه قورال طلب قیلماقده. جاري ییل یاز فصلیده عبدالله نی آزاد قیلیش اوچون اونینگ عایلهسی ایکّی ته قورال تاپشیریشگه مجبور بۉلگن و شوندن سۉنگ او پروان ولایتی حربي بۉلینمهسی قماقخانهسیدن آزاد اېتیلگن.
بو حالت مملکتنینگ تورلی ولایتلریده خوفسیزلیک معمالری کوچهییب بارهیاتگن بیر پیتده یوز بېرماقده. باشقه بیر واقعهده اېسه، محلي منبعلر کابلده بیر داکتر اۉغیرلب کېتیلگنی حقیده خبر بېرگن اېدی.
