ایران تشقی ایشلر وزیری عباس عراقچی اوکراین جمهور رییسی ولادیمیر زلنسکی نینگ بیاناتلریگه مناسبت بیلدیریب، ایران خارجي کوچلرگه باغلیق اوردولردن فرقلی اۉلهراق، اۉزینی حمایه قیلیش صلاحیتیگه اېگه اېکنینی و بېگانهلرنینگ یاردمیگه محتاج اېمسلیگینی ایتدی.
عراقچی جمعه کونی، 23-جنوری، ایکس صحیفهسیده یازیشیچه، زلنسکي غربدن مالیوي یاردم آلیب، اۉزینینگ «بوزوق» جنراللرینینگ چۉنتهگینی تۉلدیرگن و شو بیلن بیرگه امریکادن ایرانگه قرشی حربي چارهلر کۉریشنی طلب قیلگن.
او ینه شوندهی دېگن: «جناب زلنسکي، دنیا بو ادهشگن مسخرهبازلردن چرچهدی. سیزنینگ یاللنمه عسکرلرگه تۉله و بېگانهلرگه قرهم اوردونگیزدن فرقلی روشده، بیز ایرانلیکلر اۉزیمیزنی قندهی حمایه قیلیشنی جوده یخشی بیلهمیز.»
بو بیاناتلر زلنسکينینگ ایراندهگی عمومخلق ناراضیلیک نمایشلری حقیده ایتگن سۉزلری آرتیدن ینگرهدی. زلنسکي اگر اسلام جمهوریت حاکمیتده قالسه، بو «یېترلیچه آدملرنی اۉلدیرینگ و حاکمیتده قالینگ» دېگن خبرنی بېریشینی تأکیدلهگن اېدی.
سۉنگگی هفتهلرده ایرانده دوام اېتهیاتگن عمومخلق ناراضیلیک نمایشلری مینگلب آدملرنینگ هلاک بۉلیشی و جراحتلنیشیگه سبب بۉلدی. شو دور مابینیده انترنت و خلقارا علاقهلر هم اوزیب قۉییلگن اېدی.
