خلق ارا عاموي اخبارات واسطهلری خبر بېریشیچه، امریکا مهاجرلر بۉیییچه ادارهسی خادملری مینیاپولیس شهریده اوشبو مملکت یشاوچیسی الکسپرتینی آتیب اۉلدیرگن.
رویترز آژانسینینگ خبریگه کۉره، امریکا ایچکی خوفسیزلیک وزیرلیگی بو حادثهنی «هجوم» دېب بهالب، چېگره خادیمی قوراللی اېرکک اونگه یقینلشیب، قورالسیزلنتیریشگه اورینیشلرگه قرشیلیک کۉرسهتگنیدن سۉنگ، اۉزینی حمایه قیلیش مقصدیده اونگه قرهته اۉق اوزگنینی بیلدیرگن.
بیراق رویترز تصدیقلنگن ویدیولرگه تهیهنیب خبر بېریشیچه، 37 یاشلی الکسپرتی قۉلیده قورال اېمس، بلکه تېلفون بۉلگن و او مامولر تامانیدن یېرگه یاتقیزیلگن باشقه نمایشچیلرگه یاردم بېرماقچی بۉلگن.
بو جاري آیده امریکا مهاجرلر بۉیییچه ادارهسی خادملری تامانیدن امریکالیک یشاوچیلرنینگ اۉلدیریلیشی بیلن باغلیق ایکّینچی حالت حسابلنهدی.
شو آینینگ باشیده هم رنه گود اسملی امریکا یشاوچیسی اوشبو اداره خادملری تامانیدن اۉققه توتیلیب هلاک بۉلگن اېدی.
رویترز معلوماتیگه کۉره، الکسپرتینینگ اۉلدیریلیشی امریکانینگ بیر نېچه شهرلریده کېنگ کۉلملی ناراضیلیک نمایشلریگه سبب بۉلگن.
آژانسنینگ قۉشیمچه قیلیشیچه، اوشبو حادثه فدرال وایالات رسميلری اۉرتهسیدهگی کېلیشماوچیلیکلرنی هم کېسکینلشتیرگن.
خبرگه کۉره، امریکا ایچکی خوفسیزلیک وزیری کریستی نوم بو شخص تینچ ناراضیلیک اوچون اېمس، بلکه زۉرآورلیکنی کوچهیتیریش مقصدیده واقعه جاییده بۉلگنینی ایتگن.
بیراق تیم والزبو بیاناتنی شبهه آستیگه آلیب، مذکور مسأله بۉییچه فدرال ادارهنینگ آلیب بارهیاتگن تېرگاویگه ایشانمسلیگینی بیلدیرگن.
