خلق ارا عاموي اخبارات واسطهلرینینگ خبر بېریشیچه، امریکانینگ مین ایالاتیده سکّیز نفر یۉلاوچیسی بۉلگن شخصي اوچاق قولب توشگن.
اسوشیتدپرس بوگون دوشنبه، 26-جنوری خبر بېریشیچه، اوشبو اوچاق بنگور قۉنالغهسیدن هواگه کۉتریلگن.
حاضرگچه اوچاق ایچیدهگی یۉلاوچیلرنینگ احوالی حقیده قۉشیمچه معلوماتلر بیلدیریلمهگن.
مذکور حادثه امریکانینگ شِمال-شرقي حدودلری همده مملکتنینگ کۉپلب قِسملریده کوچلی قیشگی بۉران کوزهتیلهیاتگن بیر وقتده یوز بېرگن.
بنگور قۉنالغهسی رسمیلری بیانات چیقریب، فوقالعاده وضعیتلر بۉییچه گروهلر حادثه جاییده اېکنینی و میدان وقتینچه یاپیلگنینی معلوم قیلگن.
قولب توشگن اوچاق بمباردیه چالنجر 600 روسومیدهگی بیزنس-جېت بۉلیب، او 9 نفردن 11 نفرگچه یۉلاوچی تشیش اوچون مۉلجللنگن.
