محلي منبعلرگه کۉره، هرات ولایتیده۲۷ یاشلی بیر ییگیت اۉرتاقلری تامانیدن اۉلدیریلگن.
منبعلرنینگ ایتیشیچه، اوشبو ییگیتنینگ اسمی فیض احمد فضلی بۉلیب، او جمعه۳ دلو «بند پاشدان»دن قَیتهیاتگنده اۉلدیریلگن.
منبعلر، ییگیت دۉستلری بیلن بند پاشدان هراتگه دَم آلیشگه بارگن، اما قَیتیش یۉلیده دۉستلری تامانیدن اۉق آتیلیشی نتیجهسیده اۉلدیریلگنینی ایتهدیلر.
منبعلرگه کۉره، طالبان اوشبو ییگیتنینگ دۉستلرینی اونی اۉلدیریش عیبی بیلن حبسگه آلگن و تېرگاو جریانی دوام اېتماقده.
حاضرگچه بو قاتللیک سببی معلوم اېمس، و طالبان بو بارهده ایضاح بېرمهگن.
منبعلرنینگ معلوماتیگه کۉره، فیض احمد هرات ولایتی انجیل اولسواللیگینی مولدان قیشلاغینینگ یشاوچسی بۉلگن.
اونینگ ایزدن اوچ یاشلی اۉغیل و آلتی آیلیک قیز فرزندی قالگن.
سۉنگّی هفتهلرده غربي افغانستاننینگ هرات ولایتیده بیر نېچته قاتللیکلر قید اېتیلگن. شو کونلرده اېسه بیر هفتهلیک یۉقالیشدن سۉنگ اونینگ جسدی هرات شهرینینگ ۱۳ حوزهسیدن تاپیلگن.
بو قاتللیکلر طالبان مملکتنی ینه اېگهلهگنیدن سۉنگ بوتون افغانستانده خوفسیزلیک تأمینلنگنینی ادعا قیلهیاتگن بیر پیتده صادر بۉلماقده.
