امریکا جمهور رییسی دونالد ترامپ، امریکانینگ ییریک حربي کوچی ایرانگه یقینلشهیاتگنینی ایتدی. ترامپ سهشنبه کونی، 27-جنوری، آیوو ایالاتیده طرفدارلری آلدیده قیلگن نطقیده ایران بیلن کېلیشووگه اېریشیشگه امید قیلهیاتگنینی بیلدیردی.
او شوندهی دېدی: «تۉغریسینی ایتسم، حاضرنینگ اۉزیده ینه بیر چیرایلی و کتّه حربي کېمه ایران تامان حرکتلنماقده. اېندی نیمه بۉلیشینی کۉرهمیز. امید قیلهمن که، اولر کېلیشووگه اېریشهدی».
او طرفدارلریگه ایراننینگ هسته صلاحیتی اۉتگن ییلی یۉق قیلگنینی ایتگن.
کېچه اېسه آق اوی رسميسی رویترز اخبارات آژانسیگه ایران علاقه قیلسه، واشنگتن ملاقاتگه تیار اېکنینی بیلدیرگن.
شو بیلن بیرگه، ایران هر قندهی حربي حرکت تهران تامانیدن جوابسیز قالمسلیگی حقیده آگاهلنتیرگن.
