طالبلر نظارتیدهگی عاموی اخبارات واسطهلرینینگ خبر بېریشیچه، تیناوون 333 مهاجر عایله مملکتگه قَیتگن.
طالبلر نظارتیدهگی باختر اخبارات آژانسی بوگون چهارشنبه، 8 -دلو، تۉقّیز عایله نیمروز ولایتیدهگی پل ابریشم یۉلی آرقهلی، یېتّی عایله هرات ولایتیدهگی اسلام قلعه آرقهلی، 21 عایله قندهاردهگی اسپین بۉلدک آرقهلی و 296 عایله ننگرهار ولایتیدهگی تورخم چېگره اۉتیش یولی آرقهلی مملکتگه قَیتگنینی معلوم قیلگن.
بیرلشگن ملتلر تشکیلاتی معلوماتیگه کۉره، قَیتیب کېلگنلرنینگ 11 فایزی ایش بیلن تأمینلنگن.
شونینگدېک، ایکّی کون آلدین هم قریب 400 مهاجر عایله مملکتگه قَیتگن اېدی.
بیرلشگن ملتلر تشکیلاتینینگ بیلدیریشیچه، 2025-ییلده 2،8 میلیون کیشی افغانستانلیک مهاجر ایران و پاکستاندن افغانستانگه قَیتگن.
