«پولیودن بۉش افغانستان» صحیفهسی مملکتده پولیوگه قرشی اېملشنینگ ینگی کمپاینی کېلهسی هفته باشلنیشینی معلوم قیلدی.
مذکور کمپاین کېلهسی هفتهنینگ دوشنبه کونی (13 دلو) مملکتنینگ تورلی منطقهلریده باشلنیشی رېجهلشتیریلگن.
بو 2026-ییلده افغانستانده پولیوگه قرشی اۉتکزیلهدیگن بیرینچی اېملش کمپنیسی حسابلنهدی.
2025-ییلده افغانستانده بالهلر فلجی، یعنی پولیو کسللیگینینگ تۉقّیزته ایجابي حالتی قید اېتیلگن اېدی.
اولرنینگ بیری ارزگان ولایتیده، اوچتهسی هلمندده، بیرتهسی بادغیسده، بیرتهسی نورستانده، ایکّیتهسی پکتیکاده و بیرتهسی فراه ولایتیده قید اېتیلگن.
جاري ییلده حاضرگچه افغانستانده پولیو کسللیگینینگ ایجابي حالتلری قید اېتیلگنی حقیده خبر بېریلمهگن.
حاضرده افغانستان و پاکستان دنیاده بالهلر فلجی کسللیگی تۉلیق یۉق قیلینمهگن یگانه دولتلر سنهلهدی.
