ننگرهار ولایتیدهگی طالبان محلي مسووللری جلال آباد شهریده بیر اوینینگ تامی قولب توشیشی عاقبتیده بیر عایلهنینگ یېتّی اعضاسی هلاک بۉلگنینی معلوم قیلدی.
طالباننینگ ننگرهاردهگی اخبارات و مدنیت ادارهسینینگ اخبارات بۉلیمی مدیری قریشی بدلوننینگ ایتیشیچه، اوشبو حادثه چهارشنبه کونی کېچهسی، 8 دلو، جلال آباد شهرینینگ یېتّینچی ناحیهسی «غوچکو» منطقهسیده صادر بۉلگن.
اونینگ سۉزلریگه کۉره، اوشبو حادثهده بیر کیشی یرهلنیب، اۉلگنلر آرهسیده عیاللر و بالهلر هم بار. اوی تامینینگ قولب توشیشیگه نیمه سبب بۉلگنی حاضرگچه نامعلوم.
شو بیلن بیرگه، طالبان سۉنگّی یاغینگرچیلیکلر عاقبتیده مملکت نینگ 15 ولایتیده 60 دن آرتیق کیشی هلاک بۉلگنینی بیلدیرگن.
