طالبلرنینگ قاچقینلر ایشلری بۉییچه وزیرلیگی پاکستان قماقخانهلریدن 255 کیشی افغانستانلیک مهاجر آزاد اېتیلگنینی معلوم قیلدی.
مذکور وزیرلیک بوگون پنجشنبه، 9 دلو اعلام قیلگن بیاناتیده اوشبو شخصلر جاري هفته دوامیده افغانستانگه قَیتیب کېلگنینی بیلدیردی.
وزیرلیک معلوماتیگه کۉره، آزاد اېتیلگن مهاجرلر ایکّی کوندن ایکّی آیگچه بۉلگن مدتنی قماقده اۉتکزگن.
طالبلرنینگ قاچقینلر ایشلری بۉییچه وزیرلیگی اوشبو شخصلر سپین بولدک چېگره اۉتیش یۉلی آرقهلی مملکتگه قَیتگنینی ایتگن.
شونینگدېک، اۉتگن هفته هم طالبلر پاکستاندن قریب 200 کیشی افغانستانلیک مهاجر آزاد اېتیلگنی حقیده خبر بېرگن اېدی.
سۉنگّی کونلرده پاکستان افغانستانلیک مهاجرلرنی حبسگه آلیش و دېپورت قیلیشنی کوچهیتیرگن.
