طالبان نظارتیدهگی عاموي اخبارات واسطهلرینینگ خبر بېریشیچه، تیناوون 295 نفر مهاجر عایله مملکتگه قَیتیب کېلگن.
طالبان نظارتیدهگی باختر اخبارات آژانسی بوگون پنجشنبه، 9 – دلو، تۉقّیز عایله نیمروز ولایتیدهگی پل ابریشم آرقهلی، 18 عایله هراتدهگی اسلام قلعه آرقهلی، تۉرت عایله قندهاردهگی اسپین بولدک آرقهلی، 255 عایله ننگرهاردهگی تورخم آرقهلی و ینه تۉقّیز عایله هلمند ولایتیدهگی بهرامچه آرقهلی افغانستانگه قَیتگنینی معلوم قیلگن.
بیرلشگن ملتلر تشکیلاتینینگ ایتیشیچه، قَیتیب کېلگنلرنینگ 11 فایزی ایش بیلن تأمینلنگن.
شونینگدېک، ایکّی کون آلدین هم قریب 400 مهاجر عایله مملکتگه قَیتگن اېدی.
بیرلشگن ملتلر تشکیلاتی معلوماتلریگه کۉره، 2025-ییل دوامیده 2،8 میلیون افغانستانلیک مهاجری ایران و پاکستاندن افغانستانگه قَیتگن.
