امریکا سنا مجلسی تشقی علاقهلر کمیتهسی طالباننینگ امریکانینگ افغانستانگه اجرهتیلهدیگن مالی یاردملرگه اېریشیشنی تۉختهتیش حقیدهگی قانون لایحهسینی تصدیقلهدی.
امریکا سنا مجلسی تشقی علاقهلر کمیتهسی رئیسی جیم ریش بیربیانات اعلان قیلیب، اوشبو قانون لایحهسی تیناوون (پنجشنبه، 9 دلو) کمیته تامانیدن قبول قیلینگنینی ایتدی.
اونینگ قۉشیمچه قیلیشیچه: «بو قانون لایحهسی امریکالیکلرنینگ بیر دالری هم افغانستاندهگی طالبان کبی ترورچی تشکیلاتلرگه یېتیب بارمسلیگینی تأمینلشگه یاردم بېرهدی.»
سنا تشقی علاقهلر کمیتهسی رئیسی ینه شوندهی دېدی: «امریکا حربي کوچلری ییللر دوامیده طالبان بیلن جنگ قیلدی.
افغانستانده ایکّی مینگدن آرتیق امریکالیک هلاک بۉلدی و 20 مینگدن کۉپ کیشی یرهلندی. سالیق تۉلاوچیلریمیزنینگ هر قندهی پولی بو قاتل رژیمگه یېتیب باریشی فخري عسکرلریمیز و اولرنینگ عایلهلریگه نسبتاً حقارت بۉلهدی.»
«ترورچیلر اوچون بیر دالر هم یۉق» ناملی طالباننینگ مالی یاردملرگه اېریشیشنی تۉختهتیش حقیدهگی قانون لایحهسی آلدین امریکا وکیللری تامانیدن قبول قیلینگن اېدی.
سنامجلسی تشقی علاقهلر کمیتهسی رئیسینینگ ایتیشیچه، اوشبو قانون لایحهسی اېندی جمهور رییس چوکییگه یېتیب باریشگه ینه بیر قدم یقینلشدی.
مذکور قانون لایحهسی امریکا وکیللر اعضاسی تیم بورچت تامانیدن اۉتگن ییل قویاش، جدي آییده تقدیم اېتیلگن اېدی.
قانون لایحهسیگه کۉره، امریکا تشقی ایشلر وزیرلیگی طالبانگه هر قندهی تشقی یاردم بۉییچه سیاست ایشلب چیقیش و اونی عملگه آشیریشگه مجبور بۉلهدی.
تیم بورچت بو قانون لایحهسی مخصوص امانی جمغرمهسی و افغانستان مرکزي بانکی اوستیدن نظارتنی هم اۉز ایچیگه آلیشینی ایتگن.
اوشبو قانون لایحهسی قانونگه ایلنیشی اوچون امریکا سنا مجلسی عمومي ییغینیده تصدیقلنیشی و سۉنگ امریکا جمهور رییس دونالد ترامپ تامانیدن امضالنیشی لازم.
اوّلراق امریکانینگ افغانستاننی قَیته قوریش بۉییچه مخصوص ادارهسی (سیگار) طالبان امریکانینگ افغانستانگه اجرهتگن مالی یاردملریدن تورلی یۉللر بیلن فایده کۉرهیاتگنی حقیده حسابات بېرگن اېدی.
طالبان افغانستانده ینه حاکمیتنی قۉلگه کیریتگنیدن بېری، امریکا اوشبو مملکتگه 3،8 میلیارد دالر یاردم کۉرسهتگن
