امریکا تشقی ایشلر وزیرلیگی ایران رسميلرینینگ امریکاده یشش و استقامت قیلیش حقوقینی بېکار قیلیش بۉییچه چارهلرنی باشلهدی.
وزیرلیک پنجشنبه کونی، 9 دلو، ایکس اجتماعي ترماغیده امریکا تشقی ایشلر وزیری مارکو روبیو جاري هفته دوامیده ایراننینگ یوقاری مرتبهلی رسمیلری و اولرنینگ عایله اعضالریدن اوشبو امتیازنی آلیب قۉییش اوچون حرکت باشلهگنینی معلوم قیلدی.
خبرده شونینگدېک«اېران رژیمینینگ خلقنی شفقتسیز باستیریشیدن فایده کۉرهیاتگن شخصلر امریکا مهاجرلیک سیستمی تیزیمیدن فایدهلنیشگه لایق اېمسلر دېگن.»
ایران مخالفلری تامانیدن دایمي تنقید قیلینیب کېلینهدیگن مسألهلردن بیری اسلامي جمهوریت رسميلرینینگ عایله اعضالری غرب دولتلریده یشب کېلهیاتگنی، حالبوکه ایران ایچکریسیده دایمي روشده امریکاگه قرشی شعارلر ینگرهب کېلهیاتگنی دیر.
بو تنقیدلر ایرانده ناراضیلیک نمایشلرینینگ ینگی باسقیچی باشلنگنیدن سۉنگ ینه اجتماعي ترماقلرده کوچهیدی و کمیده بیر حالتده ایران عالي ملي خوفسیزلیک کېنگشی کاتبی علی لاریجانی قیزینینگ امریکادهگی بیلیم یورتیدهگی ایش فعالیتی توگهتیلیشیگه سبب بۉلدی.
