پاکستان اوردوسینینگ معلوم قیلیشیچه، مملکت کوچلری تامانیدن بلوچستان ایالتیده اۉتکزیلگن ایکّی علیحده عملیاتده 41 «ترورچی» یۉق قیلینگن.
اوردونینگ بوگون (جمعه،۱۰ دلو) نشر قیلگن بیاناتیده ایتیلیشیچه، اولردن۳۱کیشی هرنائی اولسواللگیده، ینه۱۱ کیشی پنجگور اولسواللیگیده اۉلدیریلگن.
پاکستان اوردوسی بو شخصلرنی «فتنه خوارج» و «فتنه هندستان» اعضالری دېب اتهگن و پنجگور اولسواللیگی بانکدن اۉغیرلنگن قورال، اۉق-داری و نقد پول مقداری اولردن تاپیلگنینی بیلدیرگن.
اوردو و حکومت رسمیلری «فتنه خوارج» اتَمهسینی مملکتدهگی طالباننی (تیتیپی) رغبتلنتیریش اوچون، «فتنه هندستان» اتَمهسینی اېسه «بلوچستان آزادلیک اوردوسی» دېب اتهلووچی گروه اوچون ایشلهتهدی.
پاکستان اوردوسینینگ ایتیشیچه، منطقهده بو ترورچیلرگه قرشی تازهلش عملیاتی دوام اېتماقده و اولر هندستان تامانیدن قۉللب-قوّتلنهیاتگنینی ادعا قیلینگن.
بلوچستان ایالتی افغانستان بیلن چېگرهداش بۉلیب، خیبر پختونخوادن کېین پاکستاننینگ اېنگ خوفلی ایالتی حسابلنهدی.
پاکستان حکومتینینگ ایتیشیچه، بو ایالتلردهگی قۉزغآلانچیلر اۉز هجوملرینی افغانستان منطقهسیدن عملگه آشیرهدی.
اما افغانستاندهگی طالبان پاکستان قرشیسیده افغانستان توپراغیدن فایدهلنیلیشینی رد قیلهدی و اوشبو مملکت نمایندهلرینی اۉز خوفسیزلیگینی تأمینلهی آلمهسلیکده عیبلهیدی.
