ونزویلا مؤقت جمهور باشلیغی دلسی رودریگز، مملکتدهگی سیاسي محبوسلر اوچون عمومي عفو اعلان قیلدی.
خلق ارا عاموی اخبارات واسطهلری بوگون شنبه، 31-جنوری، اونینگ بو قرارنی ونزویلا عالي محکمه بناسیده 2026-ییل محکمه ییلینینگ آچیلیش مراسمیده اعلان قیلگنینی خبر قیلدیلر.
اونینگ قۉشیمچه قیلیشیچه، «1999-ییلدن حاضرگچه بۉلگن برچه سیاسي زۉرآورلیک دورلرینی قمرب آلهدیگن عمومي عفو تۉغریسیدهگی قانوننی ایلگری سوریش بۉییچه قراریمنی اعلان قیلماقچیمن.»
رودریگز محکمه-حقوق اصلاحاتلری کمیسیونی همده دیموکراتیک همجهتلیک و تینچلیک دستوریگه عمومي عفو قانونینی امکان قدَر تېزراق ملي پارلمانگه تقدیم اېتیش بۉییچه تاپشیریق بېردی.
او قانونچیلردن اوشبو قانون سیاسي قرهمه-قرشیلیک، زۉرآورلیک عاقبتیده یوزهگه کېلگن یرهلنگنلرنی دوالشگه یاردم بېریشی همده مملکتده عدالتنی تیکلشی اوچون همکارلیک قیلیشنی سۉرهدی.
بو آرهده، امریکا تامانیدن حبسگه آلینگن ونزویلا سابق جمهور باشلیغی نیکولاس مادورو مخالفلرینی باستیریشده عیبلنگن اېدی.
