بیرلشگن ملتلر تشکیلاتی باش کاتبی انتونیو گوترش بیرلشگن ملتلر تشکیلاتی مالی جهتدن یقین آرهده قولش خوفیگه دوچ کېلهیاتگنینی ایتدی.
رویترز اخبارات آژانسینینگ خبر بېریشیچه، انتونیو گوترش بو مسألهنی بیرلشگن ملتلر تشکیلاتیگه اعضا دولتلرگه یۉلهگن مکتوبیده بیان قیلگن.
گرچه بیرلشگن ملتلر تشکیلاتی باش کاتبی ایلگری هم تشکیلاتنینگ بحرانی حقیده بیر نېچه بار گپیرگن بۉلسه-ده، بو حاضرگچه بیلدیرگن اېنگ کېسکین آگاهلنتیریشی دیر.
بو حالت امریکا بیرلشگن ملتلر تشکیلاتینینگ اساسي مالی حاميسی تشکیلاتنینگ تورلی ادارهلریگه اجرهتیلهدیگن مالی یاردمنی قیسقرتیرگنی و بیرلشگن ملتلر تشکیلاتینینگ عادتي بودجهسیگه مجبوري بدللرنی تۉلهشدن باش تارتگنی بیلن باغلیق.
گوترش 28-جنوری ده یوباریلگن مکتوبیده، «بحران تاباره چوقورلشیب بارماقده، دستورلر اجراسینی تهدید آستیگه قۉیماقده و مالی قولش خوفینی کېلتیریب چیقرماقده دېگن. یقین کېلهجکده وضعیت ینه-ده یامانلشهدی.»
شو بیلن بیرگه، افغانستاندهگی بیرلشگن ملتلر تشکیلاتی ادارهلری اهالیگه انسانپرورلیک یاردمینی کۉرستووچی اساسي مؤسسهلرسۉنگگی ییللرده اۉز بودجهلری قیسقریب بارهیاتگنیدن بیر نېچه بار خواطر بیلدیرگن.
