ییېتکیرمهلر مهاجرلر ایشلری بۉییچه عالي کمیسیون تامانیدن اعلان قیلینگن بیاناتلر اساسیده نشر قیلگن خبرلریگه کۉره، سۉنگّی بیر هفته ایچیده (3–9 دلو آرهلیغیده) پاکستان اۉن ایکّی مینگ 058 نفر افغانستانلیک مهاجرنی مملکتدن چیقریب یوبارگن.
شو بیلن بیرگه، اوشبو معلوماتلرگه اساسلنیب ایتیلیشیچه، ایران تامانیدن هم 614 نفر مهاجر دېپورت قیلینگن بۉلیب، اولرنینگ کۉپی مجبوري طرزده چیقریب یوباریلگن.
معلوماتلرگه کۉره، اوشبو مهاجرلر طورخم اسپین بولدک، بهرامچه، پل ابریشم و اسلام قلعه چېگره یۉللری آرقهلی افغانستانگه قَیتگن.
بو حالت شونی کۉرسهتهدیکه، «یېتکیرمهلر» نینگ طالبان مهاجرلر ایشلری بۉییچه عالي کمیسیونی بیاناتلریگه تهیهنگن آلدینگی هفتهدهگی (25 جدیديدن 3 دلوگچه)، پاکستان اۉن آلتی مینگ 610 نفر مهاجرنی دېپورت قیلگن، شو دورده ایراندن اېسه 744 مهاجر چیقریب یوباریلگن.
سۉنگّی قریب ایکّی ییل ایچیده افغانستان قۉشنی دولتلردن، اینیقسه پاکستاندن مهاجرلرنینگ چیقریب یوباریلیشی سېزیلرلی درجهده آشگنیگه گواه بۉلماقده.
بیرلشگن ملتلر تشکیلاتی آلدینراق 2025-ییلده چمهسی 2،6 میلیون مهاجر افغانستانگه قَیتگنینی معلوم قیلگن اېدی.
شونینگدېک، اوشبو تشکیلات عاموي قَیتیشلر افغانستاننینگ چېکلنگن منبعلری و یاردم کۉرسهتیش امکانیتلریگه جدّي باسیم اۉتکزهیاتگنی حقیده آگاهلنتیرگن.
