امریکانینگ افغانستاننی قَیته قوریش بۉییچه مخصوص باش تېکشیریش ادارهسی سیگار بوگون، شنبه11-دلوده مستقل مؤسسه صفتیده رسماً توگهتیلدی.
مذکور اداره 2008-ییلده امریکا کانگرسی تامانیدن تشکیل اېتیلگن بۉلیب، اونینگ اساسي وظیفهسی افغانستاندهگی حربي، رواجلنیش و بشردوستانه دستورلر اوچون امریکا تامانیدن صرفلنگن میلیاردلب دالر مبلغلرنی تېکشیریش و نظارت قیلیش اېدی.
سیگار اۉتگن آی اۉزینینگ سۉنگّی گزارشینی اعلان قیلدی. اونده امریکا کانگرسی 2002–2021-ییللر آرهلیغیده افغانستاننی قَیته قوریش اوچون چمهسی 144،7 میلیارد دالر اجرهتگنی قید اېتیلگن.
اداره اۉز فعالیتی دوامیده مبلغلرنینگ اصراف بۉلیشی، سوءاستعمال حالتلریگه عاید مهم فاکتلرنی حجتلشتیرگن همده اۉنلب میلیارد دالر یۉقاتیلگن یاکه ناتۉغری باشقریلگنینی انیقلهگن.
سیگار باشلیغی جان سوپکو ایکس اجتماعي ترماغیدهگی صحیفهسیده اوشبو ادارهنینگ قریب 17 ییللیک فعالیتی دوامیده او بیلن همکارلیک قیلگن برچه شخصلرگه منّتدارچیلیک بیلدیرگن.
