طالبلرنینگ ارشاد، حج و اوقاف وزیرلیگینینگ معلوم قیلیشیچه، جاري ییلده هم افغانستاندن 30 مینگ کیشی حج فریضهسینی ادا اېتیش اوچون سعودی عربستانگه سفر قیلهدی.
طالبان نینگ ارشاد، حج و اوقاف وزیری نورمحمد ثاقب بوگون شنبه، 11- دلوده بۉلیب اۉتگن مطبوعات ییغینیده سعودی عربستانی افغانستان اوچون 30 مینگ کیشیلیک سهم اجرهتگنینی ایتدی.
اونینگ قۉشیمچه قیلیشیچه، هر بیر حاجیگه تۉغری کېلهدیگن حج خرجتی 266 مینگ 400 افغاني اېتیب بېلگیلنگن.
اونینگ سۉزلریگه کۉره، اوشبو جریاننینگ عمومي خرجتی 7 میلیارد 818 میلیون افغانيدن آشیشی تخمین قیلینماقده.
اۉتگن ییلی هم قریب 30 مینگ افغانستانلیک حج مراسملرینی ادا اېتیش اوچون سعودی عربستانگه بارگن اېدی.
