چیننینگ بیرلشگن ملتلر تشکیلاتیدهگی نمایندهسی سون لی منطقوي خوفسیزلیکنی تأمینلش مقصدیده افغانستانده طالبان بیلن همکارلیک قیلیش ضرورلیگینی تأکیدلهگن.
دان گزېتهسی خبر بېریشیچه، چین اېلچیسی بو مسألهنی جمعه کونی، 10 دلو، افغانستان و خوفسیزلیک بیلن باغلیق تشویشلر محاکمه قیلینگن ییغیلیشده کۉترگن.
خبرگه کۉره، بیرلشگن ملتلر تشکیلاتی باش کاتبی آنتنیوگوترش افغانستاندهگی ترا جنسیتلیک خوفسیزلیک تهدیدلریدن خواطر بیلدیرگن.
چین اېلچیسی شوندهی دېگن: «بیز افغانستان بیلن ملاقات و همکارلیکنی کوچهیتیریشیمیز کېرهک، تاکه بو مملکت ینه ترورچی تشکیلاتلر اوچون خوفسیز باشپناهگه ایلنیب قالمسین. شونینگدېک، خارجي ترورچی جنگریلر نینگ قَیتیشی و فعالیت یوریتیشینینگ آلدینی آلیش همده بونگه قرشی بیرگهلیکده کۉرهشیشیمیز ضرور».
اونینگ قۉشیمچه قیلیشیچه، حاضرده منطقه دولتلریدهگی عمومي وضعیت برقرار، بیراق افغانستان، سوريه و پاکستانگه اشاره قیلیب، اوشبو مملکتلرده هجوملر هنوز دوام اېتهیاتگنینی ایتگن.
گوترش آلدینراق هېچ بیر ترورچی گروه افغانستان حدودیدن باشقه دولتلرگه قرشی فایدهلنه آلمهسلیگیگه ایشانچ حاصل قیلیش ضرورلیگینی تأکیدلهگن.
شونینگدېک، او افغانستان طالبانی تامانیدن پاکستان طالبان حرکتی تیتیپی قۉللب-قوّتلنهیاتگنی بارهسیده خواطر بیلدیرگن.
اسلام آباد هم دایمي روشده تیتیپی هجوملری افغانستان طالبانی کمگیده عملگه آشیریلهیاتگنیدن تشویش بیلدیریب کېلهدی.
شو بیلن بیرگه، یقینده کابلده چین یشاوچیلری تشریف بویورهدیگن رستورانتگه قیلینگن پارتلش عاقبتیده یېتّی کیشی هلاک بۉلگن.
