روسیهنینگ تاس یېتکیرمهسی بوگون دوشنبه 13 – دلو نشر قیلگن خبریده، بو مملکتده طالبان ایلچیسی گلحسن، افغانستان شانگهای همکارلیک تشکیلاتیده قیته حضور تاپیشینی طلب قیلگن.
طالبان اېلچیسی، تاس یېتکیرمهسی بیلن اۉتکزگن صحبتیده بو خصوصده تاکید قیلیب، بو مساله یقینده عملگه آشیریلیشیگه امید بیلدیرگن.
دېمک طالبان اېلچیسی، مسکو و پکن بو خصوصده طالباننی قۉلب-قوتلگنینی هم بیلدیریب، شو سعیوحرکتلر نتیجهسیده، حاضر شانگهای تشکیلاتی کۉپلب اعضالری، افغانستاننینگ بو تشکیلاتده فعال حصهسی قیته نظرده توتیلیشیگه ایشانهدی دېب ادعا قیلگن.
ایتیش کېرهک که افغانستان بوندن ایلگری، شانگهای همکارلیکلر تشکیلاتینینگ کۉزهتووچی اعضاسی اېدی، بیراق طالبان حاکمیتگه قیتگنیدن بېری افغانستاننینگ بو تشکیلاتدهگی اعضالیگی ناانیق بیرحالده توشیب قالگن.
شانگهای همکارلیکلر تشکیلاتیگه اعضا مملکتلریدن کۉپینچهسی، طالبان بیلن یخشی مناسبتده بۉلسه هم بیراق، بو تشکیلاتده طالبان حضوری اوچون حاضرگچه اعتبار قرهتیلگن اېمس.
بونگه قۉشیمچه، افغانستانده طالبان حاکمیتی دنیا مملکتلری تامانیدن رسمی تَن آلینمهگن بیرحالده دوام اېتر اېکن، افغانستان کۉپلب خلقارا ییغینلردن غایب بۉلیب کېلماقده دیر.
