طالبان نظارتی آستیدهگی عاموي اخبارات واسطهلری تیناوون308 نفر مهاجر عایله مملکتگه قَیتگنینی خبر قیلدی.
طالبان نظارتی آستیدهگی باختر اخبارات آژانسی بوگون دوشنبه، 13 دلو، 23 عایله نیمروز ولایتیدهگی پل ابریشم آرقهلی، 12 عایله هرات نینگ اسلام قلعه چېگره یۉلی آرقهلی، 12 عایله قندهاردهگی اسپین بولدک آرقهلی و 261 عایله ننگرهاردهگی تورخم آرقهلی مملکتگه قَیتیب کېلگنینی معلوم قیلدی.
بیرلشگن ملتلر تشکیلاتی معلوماتیگه کۉره، قَیتیب کېلگنلر نینگ 11 فایزی ایش بیلن تأمینلنگن.
ایکّی کون آلدین هم قریب 300 عایله مملکتگه قَیتگن اېدی.
بیرلشگن ملتلر تشکیلاتینینگ ایتیشیچه، 2025 ییلده ایران و پاکستاندن جمعی 2،8 میلیون نفر افغان مهاجری مملکتگه قَیتگن اېدی.
