پاکستان رسميلری سۉنگگی تۉقنهشوولر چاغیده بلوچستان آزادلیک اوردوسیگه (BLA) منسوب 145 نفر جنگری یۉق قیلینگنینی معلوم قیلدی.
الجزیره نشری مملکت رسميلریگه تهیهنیب، بوگون دوشنبه، 2-فبروری، اوشبو هجوملر عاقبتیده 17 نفر حربي خدمتچی و 31 نفر تینچ اهالی هم هلاک بۉلگنینی خبر قیلدی.
بلوچستان آزادلیک اوردوسی ایکّی کون آلدین بلوچستاننینگ بیر نېچه شهرلریده کېتمه-کېت پارتلشلرنی عملگه آشیرگن اېدی.
الجزیره خبریگه کۉره، سۉنگگی ایکّی کون ایچیده اۉلدیریلگن جنگریلر سانی سۉنگگی اۉن ییللیکلرده قید اېتیلگن اېنگ یوقاری کۉرستکیچ حسابلنهدی.
بلوچستان باش وزیری سرفراز بگتی شوندهی دېدی: «اۉلدیریلگن 145 نفر ترورچینینگ جسدلری بیزنینگ قۉلیمیزده و اولرنینگ اَیریملری افغانستان یشاوچیسی حسابلنهدی.»
بگتی، شونینگدېک، طالباننی هجومچیلرنی قۉللب-قوّتلشده عیبلب، BLA نینگ یوقاری مرتبهلی یېتکچیلری افغانستان توپراغیدن فعالیت یوریتهیاتگنینی تأکیدلهدی.
پاکستان هندستاننی هم بلوچستان آزادلیک اوردوسی جنگریلرینی قۉللب-قوّتلشده عیبلهگن، بیراق هندستان بو عیبلاولرنی رد اېتگن.
