تورکیه جمهورلیک ریاست مطبوعات خذمتی تامانیدن نشر اېتیلگن بیاناتگه کۉره، بو مملکت جمهور باشلیغی رجب طیب اردوغان، اۉزینینگ تورموش اۉرتاغی امینه اردوغان بیلن بیرگه سعودی عربستانگه سفر قیلدی.
اردوغاننینگ بو سفرده، تورکیهنینگ ۸ وزیری و شونگه اۉخشش باشقه بیر قنچه رسمیلری یۉلداشلیک قیلهدی.
نشر اېتیلگن معلومات اساسیده، اردوغان سعودی عربستاندن کېین مصرنینگ پایتختی قاهره شهریگه هم سفر قیلیشی کوتیلهدی.
حاضرگچه بو سفرنینگ کون ترتیبی حقیده تۉلیق تفصیلات بېریلگن اېمس.
ایتیش کېرهک که تورکیه و سعودی عربستان مملکتلرینینگ مناسبتلری، سونگی ییللر دوامیده تورلی حالتلرنی باشدن کېچیرگن. بوندن ایلگری تورکیهده، عربستانلیک ژورنالیست جمال خاشقجی قتل اېتیلیشی، ایککی تامانلمه مناسبتلرنی یامانلشتیرگن اېدی.
