امریکا قوشمه ایالتلری و ایران اسلامی جمهوریتینینگ یوقاری مرتبهلی وکیللری اېرته جمعه کونی ۱۷ – دلو، عمان مملکتیده مذاکره اۉتکزهدیلر.
دیمک بوندن ایلگری اوشبو مذاکره تورکیهنینگ استانبول شهریده اۉتکزیلیشی قرار قیلینگن اېدی. بیراق ایتیلیشیچه ایران تامانینینگ قرشیلیگی سبب مذاکره استانبول اۉرنیده، عمان مملکتیده اۉتکزیلهدی.
شونینگدېک یقینده، ایراننینگ استانبولگه بۉلگن قرشیلیگی، امریکا تامانیدن قارهلنیب، مذاکره بیکار قیلیشینی حقیده هم تیارگرلیک کۉریلگنی خبر قیلیندی. حاضر ایتیلیشیچه، بیر قنچه عرب مملکتلری امریکا جمهور باشلیغی دونالد ترامپگه مکتوب یازیب، مذاکره مکانی اوزگریشی حقیدهگی ایران طلبنی قبول قیلیشنی سۉرهگن.
بو سعیوحرکتلردن کېین، امریکالیک بیر قنچه یېتکیرمهلر اۉتگن کېچه آق اویدن بۉلگن منبعلری معلوماتیگه تهینیب، مذاکره مکانی اوزگرگنی حقیده خبر بېردی.
ایتیش کېرهک که ایران و امریکا وکیللری شوندی بیرحالده مذاکره اۉتکزیشگه اولگورماقده دیر که ایران سونگی وقتلرده، امریکا جمهور باشلیغی نینگ حربی هجومی تهدیدی گه دوچ کېلگن.
