طالباننینگ بلخ ولایتی امنیه قوماندانلیگینینگ ایتیشیچه، اوشبو ولایتده یوز بېرگن ترافیک حادثهسی عاقبتیده تۉرت کیشی جان بېرگن و ینه بیر کیشی یرهلنگن.
بلخ امنیه قوماندانلیگی سۉزلاوچیسی محمد عیسی وثیقنینگ ایتیشیچه، حادثه تیناوون (چهارشنبه، ۱۵- دلو) حیرتان – مزهرشریف یۉلیده یوز بېرگن.
اونینگ قۉشیمچه قیلیشیچه، حادثه «کرولا» توریدهگی موتر و تراکتور تۉقنهشووی نتیجهسیده یوز بېرگن و برچه قربانلر کرولا موترینینگ یۉلاوچیلری بۉلگن.
بلخ امنیه قوماندانلیگی سۉزلاوچیسی حادثهنینگ سببی حقیده معلومات بېرمهگن.
افغانستانده ترافیک حادثهلری ییللیک اۉنلب، حتا یوزلب انسانلرنینگ حیاتیگه ضامن بۉلیب، یوزلب کیشینی یرهلنتیرهدی.
کۉپچیلیک حادثهلر سببی هیداوچیلرنینگ احتیاطسیزلیگی، یۉلنینگ یامان حالتی و یۉل بېلگیلرینینگ یېتیشمسلیگی اېکنلیگی ایتیلهدی.
