اۉزبېکستان جمهور باشلیغی شوکت میرضیایف، جاری ییل صاحبقران امیرتیمور حضرتلری تولدینینگ ۶۹۰ -نچی ییللیگی کینگ نشانلنیشیگه قرار قیلیب، شو مناسبت بیلن بیر قنچه بویروغ بېرگن.
بو حقده نشر اېتیلگن معلوماتلرگه کۉره، اۉزبېکستان جمهور باشلیغی بوندن کېین اپریل آیی «امیر تیمور آیی» دېب اعلام اېتیلیشینی تاکیدلب، جاری ییل صاحبقران قلمیگه منسوب «تیمور توزوکلری» کتابی، دنیا تورلی تیللری اینقسه انگلیس، فارس، عرب، فرانسه، چین، اسپانیا و روس تیللریده، ترجمه بۉلیب چاپ اېتیلهدی.
شونینگدېک شوکت میرضیایف، اۉزبېکستاندن تشقریده سقلنهیاتکن تیموریلر دوریگه عاید یازمهلر و مکتوبلر نسخهسی هم اۉزبېکستانگه آلیب کېلینیشیگه قرار قیلگن.
بونگه قوشیمچه، اۉزبېکستان جمهور باشلیغی تیموریلر تاریخی دولت موزیمی بناسی هم قیته قوریلیشی خصوصیده قرار قبول قیلگن.
ایتیش کېرهک که بو قرارلر، تاریخیمیزنینگ بویوک سیماسی، اولوغ بابامیز حضرت امیر تیمور صاحبقران تولدینینگ کینگ نشانلش مقصدیده آلینماقده دیر.
