عمان مملکتینینگ پایتختی مسقط شهریده، امریکا قوشمه ایالتلری و ایران اسلامی جمهوریتینینگ نوبتدهگی دور مذاکرهسی، باشلندی.
ایتیلیشیچه بوندن بیر نیچه دقیقه ایلگری، ایککی تامان وکیللری مذاکره مکانیگه ییتیب کېلیب و سۉزلشوو رسمی کۉرینیشده باشلنگن.
مذاکرهده ایران تامانیدن بو مملکت تشقی ایشلر وزیری سیدعباس عراقچی باشچیلیگیده هیات و امریکا تامانیدن اېسه بو مملکت جمهور باشلیغی دونالد ترامپنینگ مخصوص وکیلی استیو ویتکاف باشچیلیگیدهگی هیات اشتراک قیلگن.
اوشبو مذاکره، ایراننینگ هستهای قورال ایشلب چیقریش سعیوحرکتلری و شونگه اوخشش باشقه بیر قنچه حربی امکانیتلری تقدیری حقیده قرهتیلگنی معلوم قیلینگن.
ایران تشقی ایشلر وزیری، مذاکره عرفهسیده ایککی تامان تعهدلریگه اعتبارلی بۉلیشینی تاکیدلگن اېدی. شونینگدېک خلقارا یېتکیرمهلر امریکا جمهورلیک ریاست سرایی «آق اوی»دن بۉلگن منبعلر معلوماتیگه تهینیب، ترامپ بو مذاکره نتیجهسینی کوتیب تورگن دېب هم خبر قیلگن.
ایتیش کېرهک که مذاکره نتیجهسی کېلهسی ساعتلر دوامیده بیللی بۉلیشی کوتیلهدی.
اوشبو مذاکره، امریکا قوشمه ایالتلری جمهور باشلیغینینگ ایرانگه قرشی حربی هجوم اویوشتیریشدن آگاهلنتیرگنیدن کېین اۉتکزیلماقده دیر.
