اولر ینه قیلیشدی! مُغولستان اولمپیک کییملری دنیا بۉیلب دانگ ترهتماقده و برچهنی حیرتگه قالدیرماقده
انبیسی لاسنجیلیس(NBC Lsangeles) مُغولستان، 2026 ییلگی میلان کورتینا قیشگی اولمپیکیده کیچیک، بیراق کوچلی بیر جماعه بیلن قتنشدی. بو جماعه اعضاسینینگ دقتگه سزاوار کییملری، مخلصلر و مُده متخصصلرینینگ اعتبارینی اۉزیگه تارتدی.
اولان باتورده یېرلشگن Goyol Cashmere دیزاین کمپنیسی کییملرنینگ 13. و 15. یوز ییل مغول امپراتورلیگیدن الهاملنگنینی ایتیب، تاریخنی سپورت فعالیتی بیلن اویغونلشتیرگنینی بیلدیردی.
کمپنی انستاگرامیده؛ “اوشبو کولیکشن (مجموعه) عنعنهوی کییملرنی زمانهوی دیزاین بیلن ارهلشتیریشدن کۉره، اېسکی مغول کییم مدنیتینی-بویوک تاریخیمیزنی و مدنی مېراثیمیزنینگ اجرهلمس قسمی، زمانهوی دنیاگه قیتهریشنی و او اونی گلوبل صحنهده نمایش قیلیشنی آماجلهگن”، دېب یازدی.
اولمپیک داد کام Olympics.com معلوماتیگه کۉره، “تۉق کۉک رنگ، اېسکی شمانستیک ایشانچلرده مرکزی آسیا کۉچمنچی خلقلرینینگ کاینات یرهتووچی-ابدی ماوی آسمانگه” اشاره قیلیشی ممکن.
اېسلهتیب اۉتهمیز، 2024 ییلگی پاریس اولمپیاتی آچیلیش مراسمیده هم مُغولستان جماعهسینینگ کییملری دنیانی حیرتگه قالدیرگن اېدی.
مُغولستان، میلان کورتیناده اوچ سپورتچی بیلن قتنشدی. صحرا اسکیسیدهگی مغول اۉینچیلر: آچبادراخ باتمونخ و آریونتونگلاغ انخبایار. آلپاین اسکیسیده قتنشگن اوینچی: آریونبات آلتانزول.
