آلمان تشقی ایشلر وزیرلیگی یقینده بیر بیانات نشر قیلیب، ایرانده یشاوچی آلمان وطنداشلریدن بو مملکتنی ترک اېتیشلرینی سۉرهدی.
بو حقده نشر اېتیلگن بیاناتده، ایرانده برقرارسیزلیکلر جدی بۉلگنی تاکیدلنیب، اهالی ناقانونی توتقینگه آلینیشی احتمالی موجودلیگی بیلدیریلگن. شونینگدېک آلمان اۉز وطنداشلریدن ایراننی ترک اېتیشلری همده بو مملکتده بۉلگنده نهایت احتیاطنی نظرده توتیشلری طلب قیلینگن.
آلمان اۉز وطنداشلریدن، ایراندهگی ناراضلیکلرگه اشتراک اېتمسلیکلری و ناراضلیکلرده زیان کۉرگن حدودلردن عکس و ویدیو آلمسلیکلرینی بیلدیرگن.
شونینگدېک آلمان تشقی ایشلر وزیرلیگی بیاناتیده، ایرانده برقرارسیزلیک جدی اېکنلرینی بیلدیریلیب، ناتینچلیکلر کوچهیشی و حتا اوروش احتمالی بارلیگی هم معلوم قیلینگن.
بو وضعیت شوندی بیرحالده دیر که ایران حکومتی، ناراضلیکلردن سۉنگ امریکانینگ حربی هجومی آگاهلنتیریلیشی بیلن هم دوچ کېلگن.
دېمک بو وضعیت آلدی آلینیشی مقصدیده، امریکا و ایران وکیللری اۉتگن کون عماننینگ مسقط شهریده مذاکره اۉتکزدی. بیراق بو مذاکرهلرنینگ اساسی نتیجهسی هلی بېللی اېمس.
