امریکا جمهور رییسی دونالد ترامپ، امریکا قۉشمه ایالتلری اېران بیلن «جوده یخشی» مذاکرهلر اۉتکزگنینی ایتگن و کېلهسی هفتهنینگ باشیده ینه مذاکرهلر بۉلیب اۉتیشی رېجهلشتیریلگن.
ترامپ جمعه کونی کېچقورون، جمهور رییس مخصوص اوچاقیده بۉلگن پیتده ژورنالیستلرگه شوندهی دېگن: «کۉرینیب توریبدیکی، اېران جدّي روشده کېلیشووگه اېریشماقچی، بونی قیلیشلری کېرهک.»
او شونینگدېک، ایران اوّلگی مذاکرهلرگه نسبتاً «کۉپراق ایش قیلماقچی» اېکنلیگینی بیلدیرگن، اما تفصیلاتلر کېلتیرمهگن. ترامپ آگاهلنتیرگن: اگر اېران هستوي دستوری بۉییچه کېلیشووگه اېریشه آلمهسه، «جوده آغیر عاقبتلر» کوتماقده.
سوالگه، کېلیشووگه اېریشیش اوچون قنچه وقت کوتیشگه تیار اېکنی حقیده، ترومپ شوندهی جواب بېرگن: «بیزده کۉپ وقت بار. اگر ونزوئلا اېسلهسنگیز، بیرآز کوتدیک. شاشیلیشیمیز شرط اېمس.» بو ونزوئلا دهگی اوّلگی جمهور رییس نیکولاس مادورو حبسگه آلینگن جنوریدهگی هجومدن آلدین امریکا نینگ کارائیب دېنگیزیده کتّه حربي موجودلیگی حقیده اېسلتمه اېدی. شونینگدېک، امریکا اېران بۉیلب ناراضیلیکلردن سۉنگ یقین شرقده حربي موجودلیگینی کوچهیتیرگن.
شو بیلن بیرگه، کېچه عماننینگ پایتختیده ایران و امریکا مذاکرهلری باشلندی. ایران تشقی ایشلر وزیری عباس عراقچی بیرینچی رونددن سۉنگ ایتگن: باشلنیشی یخشی بۉلدی، اما ایشانچسیزلیک «مذاکرهلر نینگ آغیر تۉسیقی» اېکن. او ژورنالیستلرگه شوندهی دېگن: «بیز تأکیدلهگنمیزکی، هستوي مذاکرهلر و اساسي مسألهلرنی حل قیلیش تینچ، زۉرآورلیکسیز و تهدیدسیز محیطده بۉلیشی کېرهک»
