بادغیس ولایتیده طالبان خوفسیزلیک قومندانلیگینینگ اعلام قیلیشیچه، بو ولایتده سابق اوروشلردن پارتلمهی قالگن بمب پارتلشی نتیجهسیده بیر باله جان بېریب و ینه بیر باله اېسه یرهلنگن.
بو حقده نشر اېتیلگن معلوماتگه کۉره، واقعهده جان بېرگن باله ۱۰ یاشیده اېکن.
واقعه اۉتگن آقشم شنبه ۱۸ – دلو، بادغیس ولایتی سنگآتش تومنینینگ «لودیان» حدودیده یوز بېرگن.
اوشبو واقعه بالهلرنینگ اۉیینی چاغی یوز بېریب، اولردن قربانلیک آلگن.
ایتیش کېرهک که بوندن ایلگری هم افغانستان تورلی حدودلری اینقسه بادغیس ولایتیده خوددی شوندی واقعهلر یوز بېریب، اهالی اینقسه بالهلردن قربانلیک آلگن.
اخیرگی کونلرده، نشر اېتیلگن معلوماتلرگه اساسیده، اۉتگن بیر ییل دوامیده، افغانستان تورلی حدودیده اۉنلب آدم سابق اوروشلردن قالگن بمبلر پارتلشی نتیجهسیده جان بېرگن.
